• Medio Ambiente defende o labor da Xefa de Costas e a legalidade da súa chale

O Ministerio do Medio Ambiente defendeu onte a "absoluta legalidade" da vivenda que a Xefa do Servizo Provincial de Costas en Pontevedra, Cristina Paz-Curbera e Llovet, posúe na Carabuxeira. Mostrou, ademais, o seu apoio ao labor que leva desenvolvendo desde o ano 2000.

O colectivo asegura que a casa dista 75 metros da liña de protección.O Ministerio de Medio Ambiente asegurou onte que está estudando a denuncia presentada por Salvemos Pontevedra contra o chale de Paz pero fontes autorizadas deste área avanzaron que o escrito do colectivo pontevedrés é un "infundio e, xa que logo, absolutamente mentira todo o que nel se di".

Afirmaron que a zona da Carabuxeira presenta unha liña de servidume de protección do dominio público marítimo terrestre de cen metros e que a casa da Xefa Provincial de Costas atópase a máis desta distancia. "Non conta con ningún problema e todo fainos indiciar que se atopa dentro da máis estrita legalidade", incidiron as fontes consultadas.

Sobre se presentarán unha querela contra Salvemos Pontevedra destacaron que se está estudando esta cuestión e serán os avogados do Estado os que decidan".

Así mesmo, o Ministerio de Medio Ambiente defendeu o labor que desenvolve Cristina Paz desde o ano 2000 neste departamento. "É unha gran profesional que se desvive pola costa galega. Todos apoiamos a Cristina no que faga falta. As cousas que di ese colectivo teraas que demostrar primeiro".

Ademais, o Ministerio quixo resaltar que Cristina Paz entrou a traballar no medio Ambiente no ano 2000. "A licenza que obtivo para a súa vivenda data do ano 1998 polo que falar de calquera tipo de favoritismo é radicalmente imposible".

A denuncia > O colectivo pontevedrés asegura que a vivenda unifamiliar que posúe na Carabuxeira dista uns 75 metros dun acantilado que existe sobre esta praia. Así, presentou unha denuncia pola construción desta casa en terreos de servidume de protección do dominio público marítimo terrestre ante o Servizo Provincial de Protección do Litoral, que depende da Consellería de Política Territorial.

Ademais, remitiu este mesmo martes unha carta á ministra de Medio Ambiente, Cristina Narbona, para poñerlle en coñecemento do caso.

O chale se empraza nas proximidades do Mirador de Palacios e, segundo Salvemos Pontevedra, trátase de "unha gran edificación con cancha de tenis e piscina situada nunha zona que se podería denominar unha milla de ouro".

Esixe a reposición da legalidade urbanística e medioambiental e a apertura do correspondente expediente sancionador así como a declaración da nulidade da licenza concedida no seu día para a construción da casa.

Salvemos Pontevedra afirma que a casa obtivo licenza municipal no ano 1998 sen contar antes cunha autorización previa da Lei 22/1988 que explica que é a que daría eficacia ao permiso obtido polo Concello.